O‘ZBEKISTONDA TADBIRKORLIK FAOLIYATINI QO‘LLAB-QUVVATLASHNING IJTIMOIY OMILLARI

##article.abstract##

Maqolada mamlakatimizdagi islohotlar sharoitida tadbirkorlik faoliyatini qo‘llab-quvvatlash uchun yaratib berilayotgan shart-sharoitlar, davlat tomonidan qabul qilinayotgan institutsional asoslar va ularni rivojlantirishga ta’sir etuvchi ijtimoiy omillar tahlil qilingan. Muallif maqolada tadbirkorlik tushunchasi, uning funktsiyalari, elementlari va jamiyat taraqqiyotiga xususiy tadbirkorlik faoliyatining ta’siri yoritib berilgan. Ayniqsa, tadbirkorlik tushunchasini yoritishda bu faoliyatning murakkab jarayon ekanligiga alohida urg‘u berilgan va uning bir tomonlama faoliyat turi emasligiga e’tibor qaratilgan. Sababi, tadbirkorlik faoliyati jamiyatdagi turli munosabatlar, ya’ni shaxslararo, guruhlararo, institutlararo va ijtimoiy munosabatlarni o‘z ichiga qamrab oladi. Shu uchun ham, bozor munosabatlari sharoitida tadbirkorlik faoliyati jamiyat a’zolarining asosiy daromad manbai hisoblanish bilan birgalikda, davlat iqtisodiy taraqqiyotining asosini ham tashkil etishi batafsil ko‘rsatib berilgan.