JAMOATCHILIK NAZORATI TIZIMIDA AHOLINING RAQAMLI IJTIMOIY FAOLLIGI: O‘ZBEKISTON RESPUBLIKASI TAJRIBASINING SOTSIOLOGIK TAHLILI

##article.abstract##

Raqamli texnologiyalar nafaqat davlat boshqaruviga, balki fuqarolik jamiyati institutlariga ham ta’sir ko‘rsatib, raqamli makonni gorizontal kommunikatsiyalarning yangi muhiti sifatida shakllantirmoqda. Bu esa jamoatchilik ishtirokini kuchaytiradi, qayta aloqa mexanizmlarining tezkorligini oshiradi hamda davlat hokimiyati organlari faoliyatining shaffofligini ta’minlaydi. Mazkur maqolada O‘zbekiston Respublikasida aholining raqamli ijtimoiy faolligini jamoatchilik nazoratining yangi mexanizmi sifatida shakllanishi va rivojlanishining o‘ziga xos xususiyatlari tadqiq etilgan. Raqamlashtirishning fuqarolar, nodavlat notijorat tashkilotlari hamda davlat organlari o‘rtasidagi o‘zaro hamkorlikka ta’siri tahlil qilingan. Jamoatchilik ishtirokining institutsional shart-sharoitlari, normativ-huquqiy bazasi va raqamli platformalari ko‘rib chiqilgan. Sotsiologik ma’lumotlar asosida aholining raqamli faolligining asosiy shakllari va rivojlanish tendensiyalari aniqlangan. Muallif tomonidan raqamli ijtimoiy faollik tushunchasiga ta’rif berilgan hamda “fuqarolar – nodavlat notijorat tashkilotlari – davlat” o‘rtasidagi o‘zaro hamkorlikning konseptual modeli taklif etilgan.