MILLIY SAYTLAR MODERNIZATSIYALASHUVINING O‘ZIGA XOS JIHATLARI

##article.abstract##

Ushbu maqolada raqamli jamiyatda axborot xavfsizligini ta’minlash va milliy saytlarni rivojlantirish muammolari o‘rganilgan. Shu bilan birga axborot xavfsizligi va jamoaviy xavfsizlik masalalarining nazariy jihatlari ko‘rib chiqilgan hamda raqamli jamiyatda insonlar tomonidan global internet tarmog‘idan olinayotgan axborotlarning ahamiyati ochib berilgan. Shuningdek, maqolada axborot tizimidagi imkoniyatlarning kengayishi, turli mazmundagi veb-saytlarning ko‘payishi, internet tarmoqlarida O‘zbekiston milliy saytlarini rivojlanishi, mintaqadagi holati va muammolari, milliy kontentni rivojlantirish masalalari yoritilgan. Bundan tashqari, o‘z mazmuniga, maqsadi va yo‘nalishlariga ko‘ra, destruktiv faoliyat olib borish belgilari mavjud bo‘lgan axborotlarni tarqatilishi ko‘rsatilgan. Ayni vaqtda axborotlarni kompyuter tarmog‘i orqali insonga ta’sir o‘tkazadigan ma’lumotlar, axborotlardan Internet tarmog‘ida foydalanish holatlari tadqiq etilgan. Shu bilan birga milliy segmentdagi ijtimoiy tarmoqlarga a’zolar va tashriflar soni kamligi, milliy segment tarkibidagi saytlar faoliyatini qoniqarsizligi, ularning faoliyatini takomillashtirish lozimligi ochib berilgan. Shuningdek, ijtimoiy tarmoqlarni rivojlantirish bo‘yicha zarur bo‘lgan tashriflar sonini yanada oshirish uchun xorijiy davlatlarning ijtimoiy tarmoqlari kabi texnik imkoniyatlar va dolzarb mavzular, tahliliy maqolalar va dizayn masalalariga e’tibor berish zarurligi ko‘rsatilgan.