MILLIY SAYTLARNING MODERNIZATSIYALASHUV VA RIVOJLANISH TENDENSIYALARI

##article.abstract##

Ushbu maqolada milliy saytlarning modernizatsiyalashuv va rivojlanish tendensiyalari o‘rganilgan. Shuningdek, O‘zbekiston taraqqiyotning yangi bosqichida jamiyatning modernizatsiyalashuvini jadallashtirish, internet tarmog‘iga joylashtirilgan milliy saytlarni kengaytirish, unda shaxsni mazmunli axborot bilan ta’minlash masalalari ko‘rib chiqilgan. Raqamli jamiyatda milliy saytlarni yaratish, ularning faoliyatini islohotlar talablariga mos sur’atda tashkil qilish muhim ahamiyat kasb etishi asoslangan. Bundan tashqari milliy saytlar O‘zbekiston imijiga salbiy ta’sir qilishga intilayotgan radikal guruhlar maqsadini fosh qilishga xizmat qilishi, milliy saytlardagi muhim yo‘nalishdan biri ularning sahifalaridagi materiallar jamiyatda axborot xavfsizligini ta’minlashga xizmat qilishi lozimligi masalalari yoritilgan. Axborot xavfsizligi yoshlar ongida bevosita vatanparvarlik, islohotlar jarayoniga faol ishtirok etish hissini singdirish mexanizmlarini takomillashtirish va milliy saytlar faoliyati jamiyat taraqqiyotiga xizmat qiluvchi innovatsion yondashuvlarga, mamlakatning ijtimoiy-iqtisodiy tendensiyalariga mos ravishda rivojlanishi vazifasini amalga oshirishi juda muhim ekanligi ochib berilgan. Shu nuqtai nazardan O‘zbekistonning yangi taraqqiyot bosqichida milliy saytlar modernizatsiyasi mohiyati, uning rivojlanish xususiyatlari,.jamiyatimizda milliy saytlar transformatsiyasining demokratik islohotlarga mutanosibligi va milliy saytlarning jamoatchilik fikrini shakllantirishga ta’siri jarayoni tadqiq qilingan.