RAQAMLI TEXNOLOGIYALARNING KEKSALAR UCHUN IMKONIYATLARI VA XAVFLARI

##article.abstract##

Ushbu ilmiy maqolada raqamli texnologiyalarning keksa avlod uchun imkoniyatlari va xavflari tahlil qilingan. Raqamli texnologiyalar, jumladan, internet, mobil ilovalar va onlayn xizmatlar, keksalarning ijtimoiy aloqalarini kuchaytirish, mustaqil yashashini ta’minlash, ta’lim va tibbiy yordamga erishish imkoniyatlarini oshirgan. Keksalar internet orqali dunyoning turli burchaklari bilan aloqa o‘rnatish, o‘z qiziqishlari va xobbilari bilan shug‘ullanish, bilimlarni yangilash imkoniyatiga ega. Maqolada raqamli texnologiyalar bilan bog‘liq xavflarga ham e’tibor qaratilgan. Bu xavflarga kiberxujumlar, ma’lumot xavfsizligi muammolari, raqamli savodxonlikning yetarli bo‘lmasligi va ijtimoiy izolyatsiya kiritilgan. Keksa avlod uchun raqamli texnologiyalarning samarali foydalanishi, o‘zini tanish, bilimlarni boyitish va ijtimoiy faollikni oshirish maqsadida davlat, jamoat tashkilotlari va oila a’zolarining hamkorligi muhim ahamiyatga ega. Ushbu maqola, raqamli texnologiyalarning keksa avlod uchun foydalanishini va ularning ijtimoiy-iqtisodiy faolligini oshirish bo‘yicha amalga oshiriladigan chora-tadbirlarni taklif qiladi.