O‘ZBEKISTONDA AXBOROT XAVFSIZLIGI: SOXTA YANGILIKLAR MUAMMOLARI VA ULARGA QARSHI KURASHDA XALQARO TAJRIBA

##article.abstract##

Mazkur maqolada O‘zbekistonda soxta yangiliklar tarqalishi muammolari raqamli texnologiyalar va axborot makoni globallashuvi sharoitida tahlil qilinadi. Dezinformatsiyaning jamiyat ongi, iqtisodiyot va siyosiy jarayonlarga ta’siri o‘rganiladi. Soxta yangiliklar tarqalish sabablari, ularning ijtimoiy tarmoqlar va internet nashrlari orqali tarqalishi hamda aholida media savodxonlik darajasining yetishmasligiga alohida e’tibor qaratilgan. Maqolada soxta yangiliklarga qarshi kurashish bo‘yicha xalqaro tajribalar, jumladan, Fransiya va Rossiyadagi qonunchilik choralari, Xitoyda texnologiyalardan foydalanish va Buyuk Britaniyadagi ta’lim tashabbuslari tahlil qilingan. Ushbu yondashuvlarni O‘zbekistonda milliy xususiyatlarni hisobga olgan holda qo‘llash imkoniyatlari ko‘rib chiqilgan. Maqolada media savodxonlikni oshirish, fakt-cheking mexanizmlarini rivojlantirish, texnologik startaplarni qo‘llab-quvvatlash va qonunchilik bazasini takomillashtirish bo‘yicha aniq tavsiyalar berilgan. Mualliflar muammoni hal etishda huquqiy, ta’limiy va texnologik choralarni o‘z ichiga olgan kompleks yondashuv zarurligini ta’kidlaydilar. Taklif etilgan strategiyalarni amalga oshirish O‘zbekistonda axborot xavfsizligini mustahkamlash va jamiyat taraqqiyotiga ko‘maklashuvchi barqaror media muhitni yaratish imkonini beradi.