BOBURIYLAR DAVRI HINDISTONI MA’NAVIY MADANIYAT BO’YICHA MANBALAR

##article.abstract##

Hindiston madaniyatiga oid manbalar geografik jihatdan bugungi Pokiston hududiga ham o’tib ketadi, chunki yozma va madaniy manbalar kelib chiqishiga ko’ra chuqur o’tmishga borib taqaladi va ular bir necha ming yillardan beri saqlanib kelmoqda. Hindiston madaniyati va tarixi mazkur mamlakat hududida tarqalgan diniy va falsafiy oqimlar bilan chambarchas bog’liqdir. Manbalarning o’ziga keladigan bo’lsak, birinchi navbatda arab, fors, turk tilidagi manbalar nazarda tutiladi va boshqa turdagi manbalar chuqur tarixga ega bo’lib, bu tadqiqotimiz doirasidan tashqaridadir. Mazkur ishda Boburiylar hukmronligi davri bilan bog’liq bo’lgan barcha manbashunoslik yo’nalishlari, va ayniqsa Hindistonga musulmonlikning suqulib kirishidan keyin kuchaygan yo’nalishlar to’g’risida so’z boradi. Boburiylar saltanatining uch asrlik hukmronligi nafaqat Hindiston tarixida, balki unga qo’shni mamlakatlar tarixida ham o’chmas iz qoldirdi. Bobur davlatining uzoq o’lkada joylashganligiga qaramasdan, uning ma’naviy hayoti O’rta Osiyo madaniyatining bir qismi bo’lib qoldi, zero uning avlodlari u tomonidan boshlangan an’analarga sodiq qolishdi va mazkur madaniyatning eng yaxshi tomonlarini rivojlantirishda davom etishdi.