Zamonaviy jamiyatda ishonch fenomenining namoyon bo‘lish xususiyatlari

##article.abstract##

Mazkur maqolada ishonch ijtimoiy madaniy xodisa sifatida tahlil qilingan. Ijtimoiy hayotning turli sohalari va darajalarining o‘zaro bir biridan kelib chiqishi, o‘zaro bog‘liqligi tufayli zamonaviy jamiyatdagi ishonch hodisasi to‘g‘risidagi munosib, voqelikni yalpi aks ettiradigan bilimga ega bo‘lish uchun aynan fanlararo yondoshuvni taqozo etadi. Globallashuv jarayonlar zamonaviy tamaddun ma’naviy inqirozi ijtimoiy hamda shaxsiy hayot xavfsizligiga ijtimoiy xatarlar va tahdidlar avj olishining sababiga aylandi. Ayni shunday murakkab sharoitda ishonch madaniyati qaror topgan xavfsizlik madaniyatini shakllantirish asosidagina ijtimoiy aloqalar va munosabatlar, harakatlar va fikrlar, qadriyatlar va munosabatlarning ko‘pqirraligini qamrab oluvchi ijtimoiy xavfsizlikni ta’minlashga erishish mumkin. Shaxs va umuman insoniy hamjamiyat xavfsizligiga tahdid solayotgan, parchalanish va xatarli jarayonlarga tortilayotgan zamonaviy jamiyatda ishonchning keskin taqchilligi ijtimoiy taraqqiyotning yuksak shiddati sharoitlarida ishonch hodisasi va uning o‘ziga xosligi to‘g‘risida yalpi bilim olishga ehtiyojni shakllantirmoqda. Ijtimoiy-falsafiy tahlil nuqtai nazaridan biz ishonchni ijtimoiy taraqqiyotning muayyan tarixiy sharoitlaridagi ijtimoiy munosabatlarning turli hodisalari va ob’ektlariga ishonchning namoyon bo‘lishidagi insoniyat va alohida insonlarning ezgu irodasini aks ettiruvchi ijtimoiy madaniy hodisa sifatidan ko‘rib chiqishni tavsiya qilamiz.