ПАСТКИ МУЧАЛАРДА НЕЙРОГЕН ДЕФОРМАЦИЯСИ БЎЛГАН БЕМОР БОЛАЛАРДА КЛИНИК – НЕВРОЛОГИК ТАДҚИҚОТ НАТИЖАЛАРИ

##article.abstract##

Мазкур мақолада болаларда учрайдиган нейроген оёқ деформацияларининг клиник, нейрофизиологик ва биокимёвий хусусиятларини чуқур ўрганиш ҳамда уларни комплекс диагностика ва даволаш асосида тиклашнинг самарадорлиги таҳлил қилинди. Тадқиқот 80 нафар 5–16 ёшли бола иштирокида олиб борилиб, деформациянинг оғирлик даражасига кўра икки гуруҳга бўлинди. Клиник баҳолашда мушак тонуси, ҳаракат амплитудаси, оёқ сегментларининг узунлиги ва атрофияси ўлчанди; ҳаракат функцияси ГМФМ-88 шкаласи, спастиклик даражаси эса Ashworth модификацияланган шкаласи бўйича баҳоланди. Нейрофизиологик таҳлилда ЭНМГ ва ССВП текширувлари, биокимёвий босқичда эса қонда ишқорий фосфатаза, гидроксипролин ва ионлашган кальций миқдорлари аниқланиб, фибриллогенез жараёни ўрганилди. Тадқиқот натижаларига кўра, комплекс даволаш фонида ҳаракат функцияси ўртача 45–50% яхшиланди, мушак тонуси 2 баробар камайди, нерв ўтказувчанлиги эса физиологик меъёрга яқинлашди. Биокимёвий кўрсаткичларда суяк-мушак тизимидаги регенерация фаоллашгани кузатилди. Тадқиқот натижалари нейроген деформацияларни эрта ташхислаш, кўп босқичли реабилитация ва тизимли мониторинг болаларнинг ҳаёт сифатини сезиларли даражада оширишини кўрсатди.