ISLOMIY QIMMATLI QOG‘OZ SUKUKKA NISBATAN QO‘LLANILADIGAN TA’RIFLAR VA ULARNING NAZARIY TAHLILI

##article.abstract##

Islomiy qimmatli qog‘ozlar - bu maxsus ishlab chiqilgan moliyaviy mahsulotlar bo‘lib, ular ma’lum bir qonunga asoslangan (shar’iy) moliyaviy bitim tamoyillariga mos keladi va bunday mahsulotlarni qamrab oladigan moliyaviy shartnoma shartlarini ishlab chiqishda qat’iy qo‘llaniladi. Islomiy moliya sohasidagi so‘nggi yangiliklar islom moliya sanoati dinamikasini, xususan, sukuk yoki islom qimmatli qog‘ozlari sohasida o‘zgartirdi. Sukuk so‘nggi bir necha yil ichida suveren masalalar orqali davlat moliyasini jalb qilish vositasi sifatida ham, kompaniyalar uchun korporativ sukuk taklif qilish orqali moliyalashtirish usuli sifatida tobora ommalashib bormoqda. Ammo, sukukka nisbatan umumtanolingan ta’rif mavjud emas va bu esa turli xil davlat va nodavlat tashkilotlari tomonidan sukukka nisbatan turli xil ta’riflar berilishiga sabab bo‘ldi. Buning natijasida sukukka nisbatan turli xil ta’riflar yuzaga kelib, ba’zida bu ta’riflarning sukukning asl tabiatini ochib bera olmasa, ba’zida sukukning ayrim jihatlarini qamrab olmaydi. Ushbu maqolada bu kabi muammolar va uning nazariy jihatlari tahlil qilinadi.