O‘ZBEKISTON MEHNAT BOZORIDA YOSHLAR BANDLIGI: STRUKTURAVIY NOMUTANOSIBLIKLAR VA RAQAMLI TRANSFORMATSIYA STRATEGIYALARI

Аннотация

Mazkur maqolada O‘zbekiston mehnat bozorida yoshlar bandligining iqtisodiy mazmuni, uning hududlar kesimidagi nomutanosibliklari, raqamli transformatsiya sharoitida shakllanayotgan yangi bandlik shakllari hamda inson kapitalini rivojlantirishning ustuvor yo‘nalishlari tahlil qilinadi. Tadqiqot davomida yoshlar ishsizligi, NEET toifasidagi yoshlar ulushi, hududlararo ishsizlik tafovutlari, migratsiya oqimlari va Genriqsen indeksi dinamikasi o‘rganildi. Tahlillar natijasida ta’lim tizimi bilan mehnat bozori o‘rtasidagi ko‘nikmalar nomutanosibligi, hududiy infratuzilma farqlari va raqamli imkoniyatlarning notekis taqsimlanishi yoshlar bandligiga salbiy ta’sir ko‘rsatayotgani aniqlandi. Muammoni yumshatish uchun dual ta’limni kengaytirish, hududiy bandlik dasturlarini differensial asosda yuritish, yoshlar va ayollar uchun moslashuvchan ish shakllarini rivojlantirish hamda raqamli ko‘nikmalarni ommalashtirish bo‘yicha ilmiy-amaliy takliflar ishlab chiqildi [1; 3; 4; 5; 6].