SA’DIY XORAZMIY LIRIK ASARLARI KO‘CHIRILGAN MANBALARINING ILMIY TAVSIFI

##article.abstract##

Sa’diy Xorazmiy XIX-asr oxiri – XX-asr boshi o‘zbek adabiyotining faol vakillaridan hisoblanadi. Hozirgi kunda shoir asarlari manbalari respublikamizdagi turli kutubxona va fondlarda saqlanmoqda. Sa’diy Xorazmiy mumtoz ijodkorlar an’analarini davom ettirib, ko‘plab janrlarda ijod qilgan. Ushbu maqolada adabiyotshunosligimiz tarixida Xiva adabiy muhitining ijodkorlaridan bo‘lgan zullisonayn shoir Sa’diy Xorazmiy asarlari manbalari, shoir ijodining o‘rganilishi, adabiy ta’sir masalalari haqida ma’lumot berilgan. Sa’diy Xorazmiy ijodi, xususan, shoirning turkiy tildagi lirik asarlari jamlangan devoni qo‘lyozmasi, uning tarkibiy tuzilishi hamda devonning toshbosma nusxasi ilmiy tavsifi amalga oshirilgan. Devonning qo‘lyozma va bosma nusxalari o‘rtasidagi farqli jihatlar haqida ma'lumot berilgan. Shuningdek, Sa’diy Xorazmiy ijodiy merosi jamlangan manbalar, shoir lirikasining janrlar ko‘lami haqida ham fikrlar bayon etilgan.