BMP-7 NING C-PEPTID BILAN BOG'LIQLIGI: 2-TIP QANDLI DIABETDA BETA-HUJAYRA REZERVI MARKERI
##article.subject##:
BMP-7; suyak morfogenetik oqsili-7; diabetik nefropatiya; buyrak surunkali kasalligi; 2-tip qandli diabet; C-peptid; albuminuriya; koptokchali filtratsiya tezligi.##article.abstract##
Maqsad. 2-tip qandli diabet (2-TQD) bilan og‘rigan bemorlarda qon zardobidagi BMP-7 darajasini hamda uning klinik-laborator ko‘rsatkichlar bilan bog‘liqligini buyrak surunkali kasalligi (BSK) fenotipiga — koptokchali filtratsiya tezligi (KFT) va albuminuriya holatiga — qarab o‘rganish.
Materiallar va usullar. Tadqiqotga 2-TQD bilan og‘rigan 153 bemor kiritilib, ular to‘rt fenotipga ajratildi: NRF/NA (normal KFT/normoalbuminuriya, n=35), DRF/NA (pasaygan KFT/normoalbuminuriya, n=35), NRF/EA (normal KFT/oshgan albuminuriya, n=35), DRF/EA (pasaygan KFT/oshgan albuminuriya, n=30); 18 sog‘lom shaxs nazorat guruhini tashkil etdi. BMP-7 IFA usulida aniqlandi. Cheklamalar (outlierlar) Tukey usuli va fiziologik ishonchlilik asosida tahlildan oldin chiqarib tashlandi. Guruhlararo taqqoslashlar Kruskal–Uollis mezoni va Dann post-hoc tahlili bilan o‘tkazildi; ko‘p taqqoslashlar Benjamini–Xoxberg FDR usuli bilan to‘g‘rilandi. Effekt o‘lchamlari (ε²) keltirildi. Bog‘liqliklar Spirmen korrelyatsiyasi orqali baholandi.
Natijalar. FDR to‘g‘rilashdan so‘ng guruhlar o‘rtasida BMP-7 darajasi bo‘yicha statistik ahamiyatli farqlar aniqlanmadi (q=0,092). Umumiy 2-TQD kogortasida (n=135) BMP-7 ning yagona ahamiyatli korrelyatsiyasi C-peptid bilan kuzatildi (ρ=0,176; p=0,030). KFT, albuminuriya, sistatin C, CRP, HbA1c va proBNP bilan bog‘liqliklar ahamiyatsiz edi (p>0,05). BMP-7 ning eng yuqori qiymatlari NRF/EA (146±35,9 pg/ml) va DRF/NA (145±31,5 pg/ml) guruhlarida qayd etildi.
Xulosa. Shakllangan BSK sharoitida qon zardobidagi BMP-7 2-TQD da buyrak fenotipining diskriminativ markeri hisoblanmaydi. Uning C-peptid bilan ijobiy bog‘liqligi BMP-7 ning oshqozon osti bezi beta-hujayralari funksional faolligini qo‘llab-quvvatlashdagi mumkin bo‘lgan rolini ko‘rsatadi.
Библиографические ссылки
Goulley J, Dahl U, Baeza N, et al. BMP4 promotes pancreatic progenitor cell expansion. Dev Cell. 2007;13(2):203–218.
Klein D, Misawa R, Bravo-Egana V, et al. MicroRNA expression in alpha and beta cells of human pancreatic islets. PLoS One. 2013;8(1):e55064.
Mauer SM, Steffes MW, Ellis EN, et al. Structural-functional relationships in diabetic nephropathy. J Clin Invest. 1984;74(4):1143–1155.
Mitu GM, Wang S, Bhatt R. BMP-7 and renal disease. Kidney Int. 2007;72(Suppl 107):S4–S7.
Perkins BA, Ficociello LH, Silva KH, et al. Regression of microalbuminuria in type 1 diabetes. N Engl J Med. 2003;348(23):2285–2293.
Simic P, Vukicevic S. Bone morphogenetic proteins in development and homeostasis of kidney. Cytokine Growth Factor Rev. 2005;16(3):299–308.
Stevens LA, Schmid CH, Greene T, et al. Factors other than glomerular filtration rate affect serum cystatin C levels. Kidney Int. 2009;75(6):652–660.
Wang SN, Lapage J, Bhatt R. Loss of tubular bone morphogenetic protein-7 in diabetic nephropathy. J Am Soc Nephrol. 2001;12(11):2392–2399.
Yilmaz MI, Axelsson J, Imamoglu S, et al. Effect of renin–angiotensin system blockade on serum BMP-7 and BMP-4 levels in diabetic nephropathy. Nephrol Dial Transplant. 2008;23(11):3521–3527.
Zeisberg M, Hanai J, Sugimoto H, et al. BMP-7 counteracts TGF-β1-induced epithelial-to-mesenchymal transition and reverses chronic renal injury. Nat Med. 2003;9(7):964–968.
