SARS-COV-2 INFEKTSIYASI FONIDA FETOPLATSENTAR YETISHMOVCHILIGI BO‘LGAN AYOLLARNI DAVOLASH NATIJALARI

##article.abstract##

Tadqiqotning maqsadi: SARS-CoV-2 infektsiyasi bo‘lgan homilador ayollarda perinatal natijalarda fetoplatsentar yetishmovchilikning (FPE) axamiyatini aniqlash. Material va usullar. Tadqiqotga Zangiota-1 RMSh ga yotqizilgan 160 nafar homilador bemor kiritilgan. Fetoplatsentar qon oqimini baholash homilaning dopplerometriyasi yordamida amalga oshirildi. FPE diagnostikasi uchun A.N. Strijakovning tasnifi ishlatilgan. Tadqiqot davrida ishlab chiqilgan protokollarning samaradorligini qiyosiy tahlil qilish uchun COVID-19 fonida FPE rivojlangan homilador ayollar ikkita tadqiqot guruhiga bo‘lingan. Natijalar. SARS-CoV-2 bilan kasallangan homiladorlarda FPE rivojlanishining asosiy xavf omillari: gestoz (70,0%); homilaning erta tug‘ilish xavfi (36,25%); og‘ir akusherlik va ginekologik anamnez (40,0%). Jami, 19,4% hollarda 1-a va 1-B FPE darajasi aniqlangan, qolgan 80,6% 2 va 3 FPE darajalari aniqlangan. Kesar kesish amaliyoti umumiy 77,5% hollarda, shu jumladan og‘ir va o‘ta og‘ir COVID-19 kechishida 100% va o‘rta og‘ir COVID-19 kechishida – 61,7% xolatda (r<0,001) qullanilgan. Onalar uchun 95,6% va chaqaloqlar uchun 92,5% xollarda ijobiy natijalarga erishildi. Kesar kesish amaliyotining qullanishi 85,0% dan 70,0% gacha (r=0,023) qisqartirildi, jami onalar o‘limi 7,5% dan 1,25% gacha (r=0,043), perinatal o‘lim 12,5% dan 2,5% gacha (r=0,013) kamaytirildi. Bemorni o‘rtacha davolanish vaqti 26,4±3,4 kundan 18,1±2,2 kungacha (p=0.042) kamaytirildi. Xulosa. SARS-CoV-2 bilan kasallangan xomiladorlarda FPE erta aniqlanishi xomiladorlik asoratlarini kamaytirishda va umumiy davolash natijalarini yaxshilashda muxim axamiyat kasb etadi.