SURUNKALI YURAK YETISHMOVCHILIGI BILAN BOG'LIQ GEPATIT C BILAN OG'RIGAN BEMORLARDA FERROKINETIK KO'RSATKICHLARNING PROGNOSTIK AHAMIYATI

##article.abstract##

Tadqiqotda 110 nafar bemor ishtirok etdi, ulardan birinchi guruh surunkali virusli gepatit C va anemiya bilan og'rigan 32 bemorni, ikkinchi guruhga surunkali gepatit C, SYY va anemiya bilan og'rigan 78 bemorni qamrab oldi. Nazorat guruhini 50 nafar amalda sog'lom odamlar tashkil etdi. Olingan natijalar. Birinchi guruhdagi bemorlarda kamqonlikning og‘irligini tahlil qilish natijalari shuni ko‘rsatdiki, bemorlarning 28,1 foizida yengil anemiya, 50 foizida o‘rtacha, 21,9 foizida og‘ir kamqonlik aniqlangan. Surunkali yallig'lanishli anemiya diagnostikasi uchun laboratoriya markerlari yordamida hisoblangan eritropoetin indeksining qiyosiy tahlili shuni ko'rsatdiki, 2-guruhdagi bemorlarda eritropoetin miqdori 1-guruhga qaraganda 1,19 baravar yuqori va ular o'rtasida teskari korellyatsiya aniqlangan. Xulosa. 1-guruhdagi bemorlarda ferrokinetik ko'rsatkichlar tahliliga ko'ra, bu holatdagi anemiya surunkali yallig'lanish bilan tavsiflanadi. Ammo 2-guruhdagi bemorlarda e'tiborga molik nuqtalar shundaki, bu guruhda qon zardobida temir miqdori va eritropoetin indeksi yuqori bo'lib, bu bemorlarda anemiya rivojlanishining patogenezida noma'lum jihatlar mavjudligini ko'rsatdi.