ICARETONOMETRIVATONOMETRYORDAMIDAOCHIQBURCHAKLIGLAUKOMANIERTATASHXISLASH

##article.abstract##

Birlamchi ochiq burchakli glaukomani erta aniqlash qaytarilmas ko‘rish yo‘qolishining oldini olish va kasallikning rivojlanishini sekinlashtirishda muhim ahamiyatga ega. Rivojlangan mamlakatlarda zamonaviy diagnostika usullari keng qo‘llanilishiga qaramay, glaukomaning ko‘plab holatlari hali ham shifokor e’tiboridan chetda qolmoqda. Mazkur tadqiqotning maqsadi portativ Icare tonometri yordamida ko‘z ichki bosimini sutkalik monitoring qilish ma’lumotlarini tahlil qilish orqali birlamchi ochiq burchakli glaukomani erta aniqlash jarayonlarini takomillashtirishdan iborat bo‘ldi. Tadqiqotda kasallikning boshlang‘ich bosqichidagi 80 nafar bemor (140 ta ko‘z) ishtirok etdi. Ishtirokchilar ikki guruhga bo‘lindi: birinchi guruhga birlamchi ochiq burchakli glaukomanning birinchi bosqichi bo‘lgan bemorlar, ikkinchi guruhga esa ikkinchi bosqichdagi bemorlar kiritildi. Barcha ko‘zlarda Maklakov tonometri va portativ Icare qurilmasi yordamida sutkalik tonometriya o‘tkazildi. Bundan tashqari, shox pardaning markaziy qalinligining ko‘z ichki bosimi ko‘rsatkichlariga ta’sirini aniqlash maqsadida paximetriya bajarildi. Olingan ma’lumotlar tahlili shuni ko‘rsatdiki, Icare tonometri yordamida o‘lchangan ko‘z ichki bosimi natijalari Maklakov tonometriya usuli bilan olingan ma’lumotlarga mos keladi. Kichik tafovutlar faqat ayrim hollarda kuzatilib, ular Icare ma’lumotlari bo‘yicha maksimal 2 mm simob ustuni ga oshish va 1 mm simob ustuni ga kamayish chegarasida bo‘lgan. Tadqiqot xulosalariga ko‘ra, glaukomanning boshlang‘ich bosqichidagi bemorlarda Icare tonometri yordamida o‘lchangan oftalmotonus ko‘rsatkichlari Maklakov usuli bilan olingan natijalar bilan statistik jihatdan taqqoslanadigan darajada bo‘lib, ushbu qurilmani glaukomani kundalik monitoring qilish va diagnostika qilishda samarali vosita sifatida qo‘llash mumkinligini ko‘rsatadi.