YUZ NERVINING TO‘LIQ ANATOMIK UZILISHI HOLATIDA SURAL NERV AUTOTRANSPLANTATI VA AUTOLOG FIBRINLI KLEY YORDAMIDA BIR VAQTDA REKONSTRUKSIYA QILISH
##article.subject##:
yuz nervi, yuz nervini rekonstruksiya qilish, autolog fibrinli kley, sural nerv autotransplantati , nerv koaptatsiyasi, ko‘prik–miyacha burchagi shvannomasi, House–Brackmann shkalasi, Sunnybrook shkalasi, bir vaqtdagi nerv rekonstruksiyasi##article.abstract##
Retrospektiv tahlilga ko‘prik–miyacha burchagi shvannomasini retrosigmoid yondashuv orqali olib tashlash vaqtida yuz
nervining to‘liq anatomik uzilishi aniqlangan 3 nafar bemor kiritildi. Barcha holatlarda yuz nervi sural nerv interpozitsion
autotransplantati yordamida autolog fibrinli kley bilan bir vaqtda rekonstruksiya qilindi. Yuz nervi funksiyasi House–Brackmann
shkalasi asosida erta operatsiyadan keyingi davrda hamda 6 va 12 oy o‘tgach baholandi. Qo‘shimcha ravishda Sunnybrook Facial Grading Scale qo‘llanildi. Sural nerv autotransplantati va autolog fibrinli kley yordamida yuz nervining bir vaqtdagi rekonstruksiyasi xavfsiz va samarali usul bo‘lib, operatsiyadan keyingi birinchi yil davomida yuz nervi funksiyasining barqaror va klinik ahamiyatga ega tiklanishini ta’minlaydi. Olingan natijalar xalqaro adabiyotlar ma’lumotlari bilan mos keladi va ushbu metodikaning yuz nervining to‘liq anatomik uzilishi holatlarida qo‘llanishi mumkinligini tasdiqlaydi.
