DIAXRONIYADA TURKIY, SLAVYAN, ROMAN VA GERMAN TILLARINING MUNOSABATLARI

##article.abstract##

Maqolada tillarning tarixiy taraqqiyot jarayonidagi o‘zaro munosabati masalasi yoritilgan bo‘lib, unda turkiy tilda so‘zlashuvchi ko‘chmanchi qabilalarning birlashuvi natijasida xunlar imperiyasining shakllanishi hamda ularning Gobi sahrosi, Sibir taygasidan boshlab Yevropa hududlarining yerlarni ham ishg‘ol qilishi, buning oqibatida turkiy tilning slavyan hamda roman- german tillariga jiddiy ta’sir etgani xususida ilmiy mulohazalar keltirilgan. Insoniyat tarixida bir tilning ikkinchisiga ta’sir etishining turli shakllari mavjudligi kuzatiladi. Bular jumlasiga harbiy yurishlarni, iqtisodiy va madaniy aloqalarni kiritishimiz mumkin. O‘z navbatida, mazkur jarayonda substrat yoki superstrat hodiaslari ro‘y berganining guvohu bo‘lamiz. Biz maqolada ko‘proq yuqoridagi hodisalarning ikkinchisiga, superstrat hodisasiga, diqqatimizni qaratdik. Zero, bunda turkiy xalqlarning tili va madaniyatining Yevropa xalqlariga ta’sir etganini o‘rgandik.