IBROHIM G’AFUROV – SHE’RSHUNOS

##article.abstract##

Munaqqid Ibrohim G’afurov  adabiyotdagi ko’plab ijodkorlarni qalamga olgan. Ammo uning ijodida she’rshunoslik ilmi o’zgacha o’rin egallaydi. Munaqqid she’rshunos sifatida ijodga qo’l urgan har bir shoirning she’rlarida kuchli kompozitsion yaxlitlik bo’lishi lozimligini ta’kidlaydi.

    Adabiyotshunos olim kitoblarida she’riyatimizni davrlarga ajratib,  she’riyatga kirib kelgan har bir avlodning yutuqlari va kamchiliklarini birma-bir tahlildan o’tkazgan va har qanday avlod shoirlari ikki guruhga ajralishini ta’kidlagan. Bular an’analar doirasida  ijod qiladigan ijodkorlar va novator ijodkorlardir.

Ibrohim G’afurov oltmishinchi yillarda adabiyotimizga kirib kelgan avlod ijodkorlari to’g’risida ham bir qancha obzor maqolalar yaratgan. Maqolada munaqqid Abdulla Oripov ijodiga xronologik yondashgan, shoirning ilk she’rlaridan boshlab o’n yillik ijodi davomida uning ijodiy evolyutsiyasini  bosqichma-bosqich ko’rsatib bergan. Maqolada shoirning “Mitti yulduz”  to’plamidan  “Ruhim” va “Hayrat” to’plamlarigacha nashr ettirgan yettita to’plami tarixiy-biografik metod asosida tahlil qilingan. Ayniqsa, “Hayrat” to’plami va olim bu to’plamning g’oyaviy mundarijasini belgilab bera oladi deb hisoblagan she’rlari “Genetika” va “Dengizga” chuqur tahlil qilingan.

  Adabiyotshunos bu to’plamlar va ularga kiritilgan ba’zi she’rlar tahlili orqali, nafaqat, Abdulla Oripov ijodini, balki, oltmishinchi-yetmishinchi yillar she’riyatining o’ziga xos xususiyatlarini, yetakchi tendensiyalarini ochib beradi.