“ОИЛА” КОНЦЕПТИГА ОИД ТИЛ БИРЛИКЛАРИ ТИЗИМИ

##article.abstract##

Ҳар бир миллатнинг ўзлигини билдирадиган, ўзига хос оилавий қадриятлари мавжуд бўлиб, улар оила аъзолари томонидан эъзозланади. Аждодлардан – авлодларга маънавий бойлик сифатида ўтади. Вақт ўтгани сайин улар бойиб, такомиллашиб боради. Улар воситасида оиладаги маънавий муҳит шаклланади. Оилавий ҳаётнинг турли аспектлари оиланинг миллий-маданий муҳити, оила аъзоларининг хулқ-атвори ва ижтимоий роллари, уларнинг ўзаро муносабатларидаги маданий кодларнинг корейс ва ўзбек миллий менталитетига хос жиҳатларини қиёсий ўрганиш лингвокультурологик тадқиқотлар учун бой манба бўла олади. Ўзаро шахсий қариндошлик муносабатларини бирлаштирувчи “оила” концептининг ўзига хос қирраларини ташкил этадиган тил бирликларини ўрганиш, айниқса, уларнинг лингокультурологик жиҳатларини ёритиш алоҳида аҳамият касб этади. Мазкур мақолада “оила” концепти доирасидаги тил бирликлари оламнинг миллий ва концептуал тасвирини бойитишда муҳим аҳамиятга эга эканлиги, ўзбек ва корейс тилларидаги ўзига хос ментал хусусиятлари ҳақида фикр юритилади.