EGAMANLIK DAVRI SATIRIK HIKOYALARINING TASVIR QAMROVI

Аннотация

ANNOTATSIYA

Mazkur maqolada mustaqillik davri satirik hikoyalarining tasvir qamrovi, ularning mavzu va badiiy yechimlari keng tahlil qilinadi. Xususan, yozuvchilar tomonidan o‘rtaga tashlangan ijtimoiy va madaniy masalalar, hikoyalarning o‘ziga xos obraz va timsollari hamda ularning zamonaviy adabiyotdagi ahamiyati haqida batafsil so‘z yuritiladi. Mustaqillik davri o‘zbek satirik hikoyalari jamiyatdagi o‘zgarishlar, insoniy munosabatlar va ijtimoiy ziddiyatlarni ochib berishda muhim badiiy vosita hisoblanadi. Ushbu davr hikoyalari milliy adabiyotning yangi bosqichida shakllanib, o‘ziga xos mavzu va obrazlar orqali o‘quvchini jamiyatning dolzarb masalalari haqida mulohaza yuritishga undaydi. Bu hikoyalarda nafaqat kulgi, balki tanqid, fosh qilish va jamiyatni isloh qilishga qaratilgan keskin badiiy yondashuv ko‘zga tashlanadi. Ushbu davr hikoyalari jamiyatdagi o‘zgarishlarni tanqidiy va hajviy yondashuv orqali tasvirlab, ularning ijobiy va salbiy jihatlarini o‘quvchiga yetkazishga xizmat qildi. O‘zgarishlarning dastlabki bosqichlarida yozilgan hikoyalarda, avvalo, mustaqillikdan oldin shakllangan qadriyatlar va yangi sharoitlar o‘rtasidagi ziddiyatlar aks ettirilgan. Yozuvchilar ijtimoiy hayotdagi an’anaviy qarashlarning zamonaviylik bilan to‘qnashuvini o‘tkir satirik uslubda tasvirlab, bu jarayonning inson ruhiyatiga ta’sirini yorqin ifoda etdilar.

Kalit so‘zlar: mustaqillik davri, hikoyachilik, hajviya, ijtimoiy tuzum, rasmiylik, byurokratiya, ijtimoiy muammo, satira, axloqiy inqiroz